أسئلة محـــــــــتاجة لإجابة

أسئلة محـــــــــتاجة لإجابة ,

فـــي الأشهر الأخيرة لــدى أسئلـــة كثيـــرة تحتـــاج  إلى  إجــابة  ... ياريت لو فيه حـــد عنــده إجابة مُقنعه ..أهم حاجــة " مُقنعه " ياريت يقولــها !!
أول سؤال محيرني جــدا جـــدا ...
 هو ميــــن الداهيه صاحـــب فكرة الإستفتاء الى حصل ؟؟ ...  انا قلت قبل كــده انه مبــارك  لأنه هو الى قــال هيغير مواد دستوريه منها 77 و 76 !! ...حد عنــده رأي تانى ؟ ... ممكن ناس تكون شايفه إن صاحب الفكــرة هو المجلس العســكري .. بس انا شايف " فى موضوع الإستفتاء " ان المجلس هو أداة  التنفيــذ لا أكثر .
تانى سؤال .. هو إيه سر التحفــظ الإخوانى الإسلامى  على الدستور أولا ؟ ... ليه كــل حــاجه انتخابات اولا انتخابات أولا .. الإنتخابات أولا ... , هو خلاص كــده مفيش مجــال للنقــاش أنه الإنتخابات أولا .. بس أنا مستغــرب جــدا من التشبث الشديد لدرجــه التهديد بالنزول الى الشــارع !! .
الرد هيكون كتيــر أوى ... " الإستقرار ... " الى مشفتوش !! " .... الاستفتــاء و احترام الشرعية الشعبية !! ...  وهكـــذا
!! .

سؤال برده هيجننى !! ... هو إيه سر التهليل و التطبيل من الإسلاميين للمجلس العسكــري !! ... أنا مش شايف ليهم حس خالص !! .. حتى بعد دخــول الجيش لمسجد عُمر مكرم بالجزم و لاأكنهم الحملة الفرنسيه .. وبعد حمله الإعتقالات للناشطيين السياسيين ذى أسماء محفوظ عضو حزب التيار المصـرى و محمد عبد الغنى عضو حركــة شباب 6 ابريل فى المنصــورة و نور أيمن نور !! ... إيه السر فى دا ؟ .. الخروج على الحاكم حــرام و طاعه المجلس من طــاعه الرسول ... و يا مُشير.. يا مُشير من النهارده انته الأميــر  !! .. ندا سمعته فى الميدان جمعه " الإراده الشعبيه .. او الهويه .. او أفغانستان و قندهــار " .... لماذا !!! .. مع إنى شايف من وجهه نظرى المحدودة ان محدش ( اتخوزق )  ..". معلش على الكلمة يعنى " من العسكـــر قــد الإسلاميين سواء فى عهد جمال عبد الناصر .. السادات و حتى المخلـــوع مبــارك !! .... سؤال محيرنى برده و عاوز إجابه ضروريه عليه .... برغم من إن هناك مجموعه من الاسلاميين  قليله جــدا من انتقدوا المجلس منهم الشيخ " حازم ابو اسماعيل " http://www.almasryalyoum.com/node/486844.. مُرشح الرئاسة المحتمل ... وبعض شباب الإخوان و بعض شباب السلفيين و الصوفيين ... طبعاً العكس تماما فى بعض الشخصيات التي استفذتنى ... السلفى المفصول من رابطه أنصــار السنه المحمديه فى دمنهور " محمود عــامر " الذى حرم التظاهر فى ثورة 25 يناير و اهدر دم البرادعى و حرم مُحاكمه مبــارك ... طريقه رخيصه جــدا فى استخــدام الدين من قبل شيخ عُين من قبل أمن الدولــة .
http://elbashayeronline.com/news-149361.html

سؤال آخر ... لماذا لا يُعلن كل من عُمر سليمان و أحمد شفيــق نيتهم للترشح لمنصب رئيس  الجمهوريــة  ؟ .. كل ما حد يكلمهم يقولك بفــكر ... لم أُحسم بعد نيتى للترشح .. وخد بقى آخر تصريح لشفيق " أفكر جديا فى الترشح للرئاسه و لا يوجد من لديه كاريزما الرئيس "http://www.almasryalyoum.com/node/487891

... ليــه يا فريق متجبهاش من الآخر و تقول أنا برشح نفســى !! ؟ .. سؤال برده مش لاقي ليه  إجابــة !  ... طب و إيه الموقف من المليشيات إلي زورت التصويت الإلكتروني لصالح عُمر سليمــان ؟!! .. وياترى يا سليمان هترد تقول إيه لما يسألوك عن الموقف المُكسف دا ؟ .. هتقول معرفهمش !! و لا هتقول هما بيتصرفوا من نفسهم عشــان بيحبونى !! و أنا مديتهمش أوامر بكــده ؟!! .http://www.almasryalyoum.com/node/487116
سؤال هيفرتك دماغــى ...طلع من حوالى يومين تقريبا خبــر من وكاله الأخبــار العربيه عن وفــاه " اسماعيل الشاعر " مدير امن القاهره السابق و المتورط  فى قتل المتظاهرين نتيجة أزمة قلبيه في زنزانته في سجن طره ...و  بعــد حوالي ساعات اتنفي الخــبر ! ...طيب معلش يعنى  فيه خبر بالدقة و الحساسية دي  جريده أو موقع إخباري ينشره من غيــر ما يكـــون متأكد و اشمعنى اسماعيل الشاعر ؟!!http://www.anaonline.net/NewsDesc.aspx?NId=81069
http://al-mashhad.com/News/%D9%88%D9%83%D8%A7%D9%84%D8%A9-%D8%A7%D9%84%D8%A3%D9%86%D8%A8%D8%A7%D8%A1-%D8%A7%D9%84%D8%B9%D8%B1%D8%A8%D9%8A%D8%A9-%D8%AA%D9%86%D9%81%D9%8A-%D9%88%D9%81%D8%A7%D8%A9-%D8%A5%D8%B3%D9%85%D8%A7%D8%B9%D9%8A%D9%84-%D8%A7%D9%84%D8%B4%D8%A7%D8%B9%D8%B1-/10023.aspx

 ...قــد أكون مخطئ لكن انا شايف ان فيه حــاجه مش فاهمها من التخبـــط دا !  .


سؤال أخيـــر ... الجيش دلوقتى فى سيناء مع الشرطه بيجاهدوا أمام المسلحيين الإرهابيين  المتطرفين ... و فى نفس الوقت يحصل هجوم فى آيلات من قبل مُسلحيين محدش يعرف ليهم ملــه !! هما ميــن دول ؟ و راحت بقى اسرائيل تمطر غــزه بصواريخ الطائرات و طبعــا ردت بعض الجماعات المسلحة الفلسطينية ذى الناصر صلاح الدين بالعكس على المستوطنات الصهيونية ! .... و حصل تبادل إطلاق نار على الحدود الإسرائيلية المصرية استشهد فيها 5 جنود وضباط مصريين و ضابطين إسرائيليين ... لغــاية دلواقتي أنا مش فاهم إيه موقف قادة الدولتين !! ... أول إمبــارح تطلع ليفنى تقول الحدود مع مصر لم تعد حدود ســلام !http://international.daralhayat.com/internationalarticle/299435

 .. و نتنياهو يُحمــل مصــر المسئولية كـــاملة على ما حدث على الحدود و اتهام قطــاع  غذه بتنفيذ العمليه الى سقط نتيجتها 6 اسرائيليين " مع نفى حمــاس لتنفيذ العملية "
أما الجانب المصــرى فقرر استدعاء السفير الاسرائيلى لتقديم شكوى رسميه ...  سحــب السفيـر المصرى من اسرائيل .,. عنــان يعطى الأوامر بإطلاق النار لمن يقوم بإختراق الحدود المصرية ... دا كان " امبارح " http://www.dostor.org/politics/egypt/11/august/20/51663

النهارده بقى ... نتنياهو " يندم " على قتل جنود مصريين .... اسرائيل تقوم بعمل تحقيق رسمى على قتل جنود المصريين الثلاثة و تقول انها لا تنوى ايذاء الجنود المصريين و تشكر القاهره على المواقف العاقلة للحفاظ على العلاقات .وزير الدفاع الإسرائيلى باراك يعبر عن أسفه  نتيجه سقوط 3 جنود امن مركزي مصريين على الحدود مع سيناء !! .http://gate.ahram.org.eg/News/106968.aspx
أما الموقف المصــري الغريب من عصــام شرف بيقول إن  قرر سحب السفير المصري تم إرسالة بالخطــأ !!! ... يعنى أيه الجملــة دي ؟؟ " تم إرسالة بالخطــأ " ؟ ! ... مش فاهم و الله ايه معنى الكلام دا  ! .http://www.dostor.org/politics/egypt/11/august/20/51677
حــــــــــــد يجـــــــــــــاوبنى !! .. أنا شايف بكل صراحــة إنها مسرحيــه بايخه اوى ... وبلاش الاتجــار بدم الشهــداء الأحرار ... الثــورة مستمرة و مصر الثــورة لن تكن كقبل الثــورة في العهد البائـــــــد .

تحيـــاتي , 

محمد عـــبده .

مصر تنادى فهل من مُجيب ؟

مصر تنادى فهل من مُجيب ؟  

 نادت  مصر شبابها : ساعدوني  كثر الفســاد و الفقــر و الذل بأهلي فهل من ثائر ؟؟ هل من  مساعد .. هل من مُجيب ؟

جاء يوم 25 يناير و لبى شباب مصر و كافه أبنائها النداء من طفل يبلغ نحو 10 سنوات إلى عجوز في الثمانين و أكثر, عندمــا كنت في الميدان ليله النصــر في جمعه الغضب 28-1  شعــرت كأنني ولدت من جديد ... لأول مــرة في حيـــاتي أشعـــر بالفخــر لأنني مصــرى  و أن المصريون حققوا  إنجازا عظيمــا غير الفوز بكأس الأمم الإفريقية .. كــان شعوراً لا مثيل له .. رأيت المصريين كافــه ! ... بكل طوائفهم 

مسلمين و مسيحين وطن واحد ايد واحده 

مسلمين ومسيحيين , أهلاوي و زملكاوي.. رأيت كافة الأطياف السياسية من إسلاميين و ليبراليين مرورا بالاشتراكيين  و العلمانيين الكل كان ينــادى " الشعــب يُريد إسقــاط النظــام " ... نفس النداء .. نفس الهدف ... نفس الروح ... لأننا في  نفس الوطن و لدينا نفس الجنسية  و نفــس الدم .. واليوم أشبه بالبارحــة .. 9 سبتمبر مصــر تنادى : سجنوا  أولادي  و حاكموهم  ظلماً وزوراً .. بيحكموهم  في المحاكم العسكرية و هما مدنيين  .. حتى لو ابني ظلمني و عصاني مش عــاوزاه يتحاكم عسكرياً عاوزاه يتحاكم محاكمه عــادله  ذي كــل النــاس و الشباب ولادي الى ذي الورد إلي بيقولوا كلمــه حــق يتحكموا عسكريــا ليه ..؟ و يتحاكموا ليــه أصلاً ياولادى بكرر ندائى فهل من مُساعد ... هل من مُجيب ؟

يا تري هنسمع نداء بلدنا و نفضل كــده ؟  نفــس النداء .. نداء الحرية و العــدالة الاجتماعيــة  يا ترى ياشباب  مصر هنلبى النداء و لا هنفضــل كل واحد فى فصيل و شايف التانى عدوه !! ... ليه و أحنا لينا نفس الهدف ؟!! " عيــش حرية عدالــة اجتماعية " !! ... ليه نبعد عن بعض ؟ ليه منرجعش روح الميدان من تــاني ؟ مسلم يصلى و مسيحي يحمى ظهره !! . هو دا الميعـــاد .. 9 سبتمبر 2011 ... جمعــــه لم الشمل و توحيد الصف ..جمعــه الوقوف ضد الظلم و ضد المحــاكم العسكريــة ... كــل واحد افتكر إن الثورة انتهت بسقوط الحــرامي يبقى غلطـــان .. مفيــش ثورة بتنتهى بعد 8 شهور !! .. هو مش سلق بيض !! .ثورة فرنسا استمرت 10 سنيين عشان إقامة العـــدل ... ياترى المصــري هيكافح لغاية فيين عشان حريتــه ؟ .. ولا هيستسلم للظلم إلي بقاله 60 سنـــه ,  مصــر تنادى فهل من مُجيب ؟.

ليه مننزلش ... أنا إسلامي و أنت ليبرالي .. شركاء وطن واحد  آه ممكن نختلف في أيديولوجيه  دا طبيعي ... لازم يبقى فيه اختلاف  لكن مايبقاش فيه خصومه و عداوة !! .. الإختلاف فى الرأي لا يُفسد في الود قضيه ... إلى بينا و بين بعض  أكبر من كل دا .. إلى بينا و بين بعض دم و كيان واحد  و أرض واحده  ....لازم نوحد الجبهة و نعرف عدونــــا إننا مستسلمناش .. وإننا كلنا " أسماء محفوظ , و محمد عبد الغنى و نور أيمن نــور و غيرهم و غيرهم من شباب مصــر إلى قالوا كلهم كلمه الحــق ... لازم يعرف عــدونــا إن الثـــــــــــــــــــــورة مستــــــــــــــمرة .. مصــــر كلها رجـــاله إلى عبروا و بنوا الهرم وبنوا السد .. وبهروا العالم بثـــوره على استعداد للدفــاع عن ثورتهم إلى ضحى  فيها فوق ال 4000  شهيد و مصــاب و ما خفى كان أعظم ...

الثورة الفرنسيه استمرت 10 سنوات

 آخر شهداء محمد مُحسن قال عن الشهداء آخر كلمه قالها " يانجيـــــــب حقهــــــــــم يا نمـــوت زيهم " فستجاب ربنا ليه ورزقه الشهــادة لما سأله احد الزملاء في موقعه العباسية شكلهم ناويين يموتونا قال " دى تبقى أحسن موته " هما دول  ولاد مصـــر ... الرجاله إلى بينزلوا مش إلي بيقعدوا علــى المكاتب و بيساوموا على دم الشهــداء ... أفيقوا يرحمكم الله ... 9 سبتمبر قـــــــــــادم يا مجلـــس ... أنا هنزل أدافع عن حقي و حــق كل شهيد و حــق كل مصري في انه يتحاكم قدام  محاكمة عادلة  مدنيه عاديه  عشان أحنا مش عسكـــر عشان نتحــاكم قدام محاكم عسكرية !! .

سامــــع أم شهيد بتنادي  أوعوا تنسوا حــــق ولادي  , أيد واحــــــــــدة , لا لمحاكمات العسكريــة و غيرها من الشعارات إلى لازم تترفع يــوم 9 سبتمبر ... لازم ننسى الخلاف  و نفهم قوي أن التفرق ضعف و الإتحاد قوه .. لازم نعرف أن كلنا مصرين وهدفنا واحد , أنا معنديش أى مشكله برغم كوني ليبرالي ديمقراطي إن الإسلاميين يمسكوا الحكم إذا أخذوا الأغلبية طلاما فيه نظــام عــادل و تبادل سلمى للسلطة  و صندوق انتخــاب و كل المصــريين ميختلفوش على دا  !! و لكن دا عمــــرة ما هيحصل  طول ما فيه ظلم ... أنا نـــازل البي النــداء يوم 9 سبتمبر عشـــان أطالب بإلغاء  المحاكم العسكرية للمدنيين و أوضح أن المصريين كلهم أيد واحـــده .
 مصـــر تنـــــــادى فهل من مُجيـــب ؟ .

تحيــــاتي ,
محمد نبيــل 

السينما و السلوكيات المستحدثـه

ترددت كثيرا قبل كتابه هذا المقال ...  أخشى أن اكون  مخطــئاً و لكن هذا لا يتنافى مع قلقي الشديد على المجتمع و عاداته و تقاليده .. وخصوصا   أننا شعب يحب الســمر و القصص ويتأثر من عبرها جــدا و قد تؤثر في سلوكـــه كثيــــرا ... لذلك قررت أن أكتب هذا المقال حتى ارضي نفسي .. واهه " بنتسلى " .
...و جدت في بعض المسلسلات و الأفلام الجديدة سلوك أفراد .. وعادات بعيده كل البعد عن سلوك المصري .. و عن عاداته و تقاليده .. وأصبحت السينما أيضا ً تتأثر بسلبيات المجتمع .. بل و تؤدى  لزيادتها لأنها توجهه أكثر من أي شيء آخر .. مثلا .. نجد في بعض المسلسلات أن الأب يموت ويترك ابنته و زوجته .. و عندما يعرض خال البنت انه سيكون واصياً عليها و على  والدتها .. تصور السينما لنا أن الخال " متسلط , طماع في ورث أخته , عاوز يجوز  ابنه لبنت أخته عشان فلوسها . !!! هـــــذا من وجهه نظري خطيــــر جــدا ... الميديا تؤثر كثـــــــــــــيرا في سلوك المشاهد ..
هذه المشاهد السلبية عن موقف " الخــــال" .. تجعل البنت تنفر من خالها .. وتلجئ للغريب  لأن خالها " متسلــط " طيب هل هذا  من عــادات مجتمعنا الشرقـــي ؟  بغض النظر عن أن هذه الفتاه لها الحق في اللجوء لمن تريد .. ولكن ترديد مثل هذه المشــاهد دون شـــك سيؤدى إلي تمزيق النسيج الاجتماعي في الأسرة المصــرية .. فيا أخي ليس كل  خـــال حرامي أو ضلالي !! ... لماذا لا تظهر السينما الجانب الايجابي من الأسرة العربية ؟ ... إن الخـــال مثلا " والد " وان الخال فعلا يخاف على بنت أخته كأنها ابنته ... أنا لا أبالغ عندما أقول أن هناك مخططــاً  لتفكيك نسيج  هذا المجتمع المحافــظ .. و يدفعه في بعض الأوقات إلي التحرر المٌفرط ... بالطبع هذا لا يتنافى  مع ليبراليه المجتمع المصــري !! .

مشهــد آخر في بعض الأفلام نجـــد الكأس و الخمر !!! ... أيضا ترديد مثل هذه المشاهد المخلة .. تجعل المجتمع يتقبل الخمر .. وان الخمر بالطبع محرماً قانونيا و شرعيــــاً .. أذن لماذا يتم ترديد ظهوره كأنه شيئا طبيعيــــاً ... لماذا و خصوصا في أوقات الاحتلال الانجليزي ؟ ... لأنه كان مخططا لتمزيق المجتمـــع ! ... وإدخال عادات ليست فيه ..
أنا أرى إن الدور الإيجابي للسينما المصري هو التركيز على توجيه الشباب إلى السلوك الجيد مثلا تظهر انه عند رفع الآذان أو دق أجراس الكنيسة يتوجه الشباب للصلاة !! .. لان مجتمعنا محافظ و مجتمع متدين ... بدلا من هذا كثُرت مشاهد الإباحية و الرزيلة و طبعـــا نتج عن ذلك زيادة نسبه الاغتصاب و الانحلال في المجتمع تأثرا بالأفكــار الدخيلة .
أرى أيضاً انه بدلا من  أن توجه السينما المصريين لسلوك متحضر مثل   معامله الضابط للمواطن التي " لابد أن تبنى عل  الاحترام المتبادل بين الضابط و المواطن مثل أفلام الخمسينات نجد اليوم العكــس تماماً ... حتى بعد الثورة  نجد أن  الضابط يعامل المواطن بعدم احترام و يخترق القانون بل و يناديه ب" يله " !! و من جانب آخر نجد المواطــن سلبيا جـــدا بل ينـــادى الضابط " بباشا " .... لا اعرف لماذا ؟! .. حتى بعــد الثــورة ... لا بد من تصحيح مسار السينما و جعلها موجها للسلوك المتحضر للمصريين , أعطيك نموذجــا
مثلا على علاقة الضابط بالمواطن ماذا سيحدث مثلا أذا قال الضابط : حضرتك يا فندم مطلوب للتحقيق .. او ممكن الرخصــة ؟ ... ممكن البطاقة يا فندم ؟ ... يا فندم مطلوب القبض عليك .!
عند التعامل مع مجرم  نجد الأفلام الأمريكية تعامل المجرم كمتهم ..برئ حتى تثبت إدانته لا نجد مثلا شريطيا يقول لمتهم أنت غبي أو يا  كـــذا أو برده يا ابن كــذا " شتيمة يعنى "... أبداّ لان هناك احتراما للقانون  و لا يتم سحله و ضربه لغاية مايطلعله صاحب !! .

أما علاقة المواطن بالضابط .. المفروض ألا يقول له " ياباشا أو يا زعيم أو يا سعادة البيـــه !! ... كل مثل هذه الألقاب هدمتها الثــورة المصرية ... و لابد من اختفاء البشويــه و البهويـــه ! ... لا بد أن توجه السينما  المواطن لمناداة الضابط مثلا ب" حضرة الضابط أو بالرتبة !! .
و أن توجه المواطن لكي يعرف حقوقه فمثلا تقوم بعمل مشهد يقوم فيه الضابط باختراق القانون و يقوم المواطن بالدفاع عن حقه فيلتزم الضابط بالقانون و يعتذر للمواطن و المواطن يقبل اعتذاره أو يلجئ للقضاء .. هذه الدولة التي نتمناها ... و التي يجب أن تكون بعد موت 1000 شهــيد .
أيضا و جــدت أن السينما في الفترة الأخيرة تصــور رجــل الأعمال على انه لــص أو مختلس .... بالطبع هذا خطأ فادح ... و تجعل المجتمع يرى أن كل من يملك نقودا فهو لـــص !! .. أليس هذا حقيقيا ! .؟ ... ليس كل رجل أعمال لص هذا بالطبع شيئاً سخيفاً .
السينما المصرية تقلد بعضها البعض ...  معظم المسلسلات يا أما حــب و رومانسيا " اجتماعي " .. أو كوميدي ... قليل جــدا عندما نجد مسلسل أو فيلم " رعب " أو " إثارة " .... و القليل أيضا عندما نجد مسلسل أو فيلم يتحدث عن قضيه حقيقية توجه المجتمع لعادات صحيحة .. فلا تختلف السينما من موجهه نظري عن أي مصادر للمعلومات .. بل أنها أهم مصادرها .
لكم كل تحيـــــاتي  ,
محمد نبيل عبــده .